اهلاً بكم في مدونتي الشخصية أنا أبوحمد أكتب في مدونتي مختلف الأشياء التي تلفت إنتباهي وقت ممتع اتمناه لكم 😁
Alblogy Instagram
الأرشيف
أخر التعليقات
  • تحميل...

ما سر أبو عمامه؟

ابو عمامة يفاوض سائق سيارة الجاغوار وينجح بعدها بالركوب معهلي فتره طويله من الزمن أشاهد هذا الرجل الغامض الذي اسميه (ابو عمامه) دائماً أراه يقف عند إشارة جسر الجامعة بجانب منطقة قرطبه.
هو ينتظر وقوف السيارات عند الإشاره وبعدها يبدأ بالسلام على السائقين ويحاول أن يكلمهم.
انا مرتين تحاشيت اكلمه ومره من المرات اضطرين أبتعد عن الإشارة بعد أن شاهدته واقف بجانبها! ولاحظت إنه يبحث عن اصحاب السيارات الفارهه أو المواطنين فقط لكي يكلمهم ومن ثم يركب معهم ويترك سيارات التكسي والسائقين الوافدين ولا يكلمهم!.
تفسيري الوحيد انها نوع جديد من “الشحاذه” المزعجه تـم التحذير منها وهو أن يطلب شخص ما منك ان توصله وما ان يركب معك بالسياره حتى يحكي لك مأساته الخياليه بشكل درامي حزين.. كأن يقول ان “ابوه مريض واخوانه لا معين لهم وان السبل تقطعت به بهذا الزمن الذي لا يرحم” وبالنهايه يطلب من السائق المساعده الماليه. وطبعاً ليتفادى السائق الإحراج بعد ان سمع هذه الدراما الهنديه يقوم ويخرج له مبلغ محترم من المال. ثم يقف هذا الشخص مرتاً ثانيه ليبحث عن ضحيه جديده من ضحايا قصصه الدراميه.
بأخر مره أتى ووقف أمامي يريد أن يكلمني ورفضت ثم ذهب الى صاحب سيارة الجاغوار وفاوضه وركب معاه!.

التعليقات

comments

4 تعليقات على: ما سر أبو عمامه؟

  • فتاة. كتب:

    اخوي
    حصل معاي في منطقة الفروانية امام مجمع مترو وحده عمرها تقريبا بالخمسينات مبرقعه ولبسها مرتب وقفتني وسالتني بلهجه خليجية غير كويتية عندج سياره قلتلها نعم قالت ابيج توصليني لمجمع حمرا مول قلتلها كاهو قدام مايحتاج سياره قالت لا انا مااقدر امشي فيني سكر
    ركبت معاي قدام واول ماحاولت اشغل السياره انفتح الباب الخلفي للسياره ولا ثنتين منقبات ضخمات “عريضات المنكبين” ركبو بسرعه خفت كنت مستعده اهد السياره وانحاش فتحت باب السياره وطلعت صرخت عليهم منو انتم ولا الحرمه تقول هذولا بناتي قلتلها ما قلتلي انا مستعجله مااقدر اوصل احد لو سمحتو طلعو ولا الم الناس عليكم
    ردت الحرمه ولا تقول منو راح يسمعج رفعت موبايلي وسويت روحي اكلم الشرطه لان خبري ان رقمهم 777 نسيت رقمهم الجديد
    خافو وطلعو مااشوف غير اغبرتهم

    لمه قلت لرفيجاتي عرفت ان هذا الشئ منتشر بهالسوق واغلبهم شحادين والشرطه خبر خير لا حسيب ولا رقيب
    وفي حريم يستعطفون الزباين ويقولون انهم اهل قبيله او من شيوخ قبايل في منطقه خليجية وصاير لمعيلهم حادث ولولا الظروف ما شحدو

    • Alblogy كتب:

      الحمد لله على سلامتج..

      زين سويتي نزلتي من سيارتج هالناس الواحد يخاف منهم ..
      ولازم تخزنين رقم العمليات 112 الخاص بالـ (إسعاف – إطفاء – دوريات – مرور) لأن وقت الحادث او الجريمه الواحد بنسى من هول الصدمه..

      ديربالج.. هذولي ما ادري شلون دخلو الديره ويمكن مسلحين بسكاكين. بعضهم يدخل بكرت زياره حسب ما سمعت

      واحد يسولف لي يقول طلعت من الدوام وما ان وصلت لمواقف السيارات ركبت سيارتي واذا بشخص ثاني يفتح الباب ويجلس جنبه ويحط السكينه بوجهه ويقول له حرك السيارة .. وبعدها ساق السياره تحت تهديد السلاح.. واخذ منه الحرامي الفلوس والبوك وقال بس نزلني ولا تشوف ورا..
      ونزله واذا هو يركب بسياره كانت تمشي وراه وطلع زميل الحرامي..

  • بوناصر كتب:

    بخصوص الموضوع الي صار وياك ياخوي تراه منتشر هاليومين وصار فيني وانا اخوك باختصار ياشرلك واحنا عالنيه طيبين ويعرفون انه نستحي توقفله يقولك وصلني لاخر الشارع وبس يركب يشتغل الفلم الهندي انا ماعندي وظيفه ولسه جاي جديد ومعرفش فين اروح ومعنديش فلوس طراره اشكره بس انا متعود علي هالاشكال اشوته من السياره ولا ربع دينار لانهم موكفو. وشكرا

    • Alblogy كتب:

      لو في رقم لمكافحة هذا النوع المزعج من الطراره(الشحاذه) يكون افضل.. (T)
      بدل ما نتركهم هذا يتصيدون الناس بحسن نيه

      احد يعرف جهه ما تتعامل مع هذا الموضوع؟! :-/

اترك رد