اهلاً بكم في مدونتي الشخصية أنا أبوحمد أكتب في مدونتي مختلف الأشياء التي تلفت إنتباهي وقت ممتع اتمناه لكم 😁
Alblogy Instagram
الأرشيف
أخر التعليقات
  • تحميل...

جهاز الأيبود إختفى..

رجعو بخفي حنين.. او من غير الإيبود ، ذهبت زوجتي وابنائي والخدامه لزيارة منزل أختها ومعاهم جهاز الأيبود الذي استمتع بإستعماله واحبه ابني حمد بسبب لعبة Spider-Man لكن عادو من دونه..
سألنا الخدامه “اين الجهاز؟” تقول  “لا أعرف..”  طلبنا من اخت زوجتي تفتيش منزلها أكثر من مره لعل وعسى يجدونه لكن الاجابه المستمره “لم نجد الجهاز..
خادمتهم الوحيده اثيوبيه وسمعتها جديه فإجهزة البلاك بيري والايفون مرميه بالبيت الذي تعمل عندهم ولم تمد يدها عليهم.
أنا شاك بخادمتي الفلبينيه فالثقه فيها بالسابق أصلاً معدومه وهي قليلة الكلام فربما انشغال الاطفال باللعب بمنزل اخت زوجتي جعلها تسرقه وتأتي بفكره ضياع الجهاز هناك
افكر بمنع راتب هذا الشهر (60 دينار) عقاباً على اهمالها بإختفاء جهاز الأيبود الذي كلفنا اكثر من 100 دينار وشريناه من موقع Amazon.
سؤالي لكم كيف أتصرف الأن؟


تحديث(1):
بعد أن ارهقت الخدامه بكثره سؤالي عن الأيبود المفقود وغضبي على فقدانه تلقيت هذا الـ SMS !
إن صح خبر العثور على أيبودنا المفقود فأول شيء أقوم به هو ان اضع فيه برنامج تتبع الجهاز
رسالة تزعم العثور على جهاز الأيبود الذي فقدناه قبل حوالي الإسبوعين

التعليقات

comments

  • أبوفلان كتب:

    لو مفعل خاصية find my iphone جان لقيت الجهاز على طوووول

    • Alblogy كتب:

      اول مره اسمع بهذه الخاصيه

      الذي اعرفه انها للايفون فقط.. لكن هل هي للايبود توتش القديم؟

      الايبود توتش ليس فيه ميزة الـ GPS

  • ناصر كتب:

    السلام عليكم
    يااخي الكريم انا متعاطف معاك وانا واثق ان الغبنه في فقده ماهو على السعر
    والستين دينار لا بتغنيك ولا وبتموتها جوع
    لكن الخوف يوم الحساب تكون ظالمها
    واتمنى تعاملوها على هذا الاساس واما بالنسبه للسالفة الثقه معدومه فان كانت سرقه
    فأسال الله ان يعوضك ماهو خير من ما فقدت
    وانا كان تبي وجهها يطيح بالارض اشري لها واحد وعطه هديه
    قول لها عشان شكينا فيك
    صدقني شرق اسيا كلهم بيعترفون لك وش سووا معنا ماهو بس هي
    او على الاقل تترك بعض الاثر نسال الله ان لا يحرمنا وااياك الاجر
    وكل عام وانت بالف صحه وسلامه وترى انا اول واحد بارك عليك رمضان نسال الله ان يبلغنا واياك ايامه الفضيله ويجعلنا من المقبولين اللهم امين وصلى الله وسلم على الحبيب المصطفى

    • Alblogy كتب:

      اهلاً اخ ناصر..
      سبب اني قلت ان الثقه معدومه مع خادمتنا لأننا بإحدى المرات فــتـشـنـا غرفتها من دون علمها ووجدنا ادويه وفيتاميتات كنا قد اشتريناها ولاحظنا اختفائها من الصاله..
      يبدو انها بدأت بالفيتامينات وشوي شوي.. ضربت الأيبود .. وبعدها تترقى الى الأيفون والجالكسي تـاب .. والنقود

  • عبدالله كتب:

    انا انصحك ان ما تخصم من معاشها الستين دينار ،، عشان ما تسوي شي اقوى

    • Alblogy كتب:

      الفلبينيه الأن صايره ” نــفــيــســه ” ما تتكلم مع الاطفال تجلس صامته لفترات طويله.. الاطفال يكلمونها ولا ترد عليهم :-/
      ثقيلة طينه ..
      وخايف اسألها عن الايبود والنتيجه الضغط يولد الانفجار مثل ما يقولون..
      انا غاضب لضياع الايبود جداً

  • swera كتب:

    7aram ta59em 3aleha o enta mo met2aked meno ma5tha! wetha tabi e9ej bs bedon za3al el ehmal mn 3ndekom le2anna esho’3ol sho’3olkom o kan weyakom mo weyaha!

    er7amo man fi el arth yar7amkom man fi esama2!

    wetha 9ij ehy ma5theta, e3teberha daf3at bala!

    • Alblogy كتب:

      وانتي الصاجه.. :-/
      احنا الغلطانين اللإهمال منا احنا اللي وثقنا فيها ثقه كبيره وسلماها الايبود وحمودي ياهل عمره سنتين واستغلت هالشي وضربت الايبود..

      مسكين حمودي يقول وين الايبود ابيها 🙁

      ديرو بالكم من الخدم ترى عيونهم طايره على الاجهزه اللي عندنا ..
      يبوقونا ولا يسحرونا (@)

  • السلام عليكم ورحمة الله وبركاتة
    والله شوف .. انت لاتظلم دام أنك مو متأكد ان هي الي أخذته
    والايبود بالنهاية مسؤلية ولدك وليس الخدامة

    اما بخصوص انها صايرة نفسية وماتكلم أحد
    أنا اقول ودها المكتب خلهم يبعيونه لك وانت ييب لك خدامة ثانية
    لكن بتحلق تييب لك وحدة قبل رمضان !!

    الله يعينك

  • Alblogy كتب:

    إذا بعاقبها اعاقبها اعلى اهمالها لأن بإهمالها اختفى الايبود.. هذا إذا ما سرقته..
    وحمودي طفل والايبود كان مع الخدامه راحو لزيارة اخت زوجتي وعادو من غير الايبود

    انزين ليش ماكان الايبود يختفي من الخدامه لما ازور منزل والدتي مرات عديده ويكون الايبود مع الخدامه
    بس انا راح امارس حرب الإستنزاف معاها.. شنو هي حرب الإستنزاف؟

    راح اطحن.. :-[ يعني كل يوم اقول لها دوري على الايبود يمكن مرمي هني ولا هني .. اطفرها اجننها اخليها تندم الساعه اللي اهملت فيه وتسببت بضياع الايبود او سرقته!

  • omar كتب:

    الله يعينك ودها المكتب وفتش غرفتها لعل وعسى ان تجده

  • Mariam كتب:

    حرام تظلمها.. يمكن صج ضاع

  • MAX كتب:

    يمكن انت مقصر مع ام العيال وقالت ابيع اللايبود واتاخذ من وراه كم فلس تشتريلها شي فيهم
    او يمكن واحد من عيال اخت زوجتك
    او يمكن طايح بل السياره

  • Cute cat كتب:

    الحين انت امسوي موضوع و سالفة عشان الايبود في بالسوق ستين واحد و بعدين أتقول الخدامة اسرقتة اشدراك انها هي وليش اتجننها على إهمالها أنتو قلتولها تقعد عند الياهل ولا الايبود والايبود مو مسؤليتها ولا في احد عاقل يعطي أيبود ياهل عمرة سنتين بعدين اذا جننتوها بتحط حرتها بالياهل ولا تدعي عليكم و دعوت المضلوم مستجابة وانتا شكلك امسوي الموضوع لعب ولا في واحد متزوج و عند ياهال اسوي جذي ومو أتقول ان عندك ايفون و جالكسي ليش حار نفسك على أيبود اشتري واحد ثاني  

  • rose.q8 كتب:

    لحظة ..
    على اي اساس تظلم الخدامة !
    انا مو مقتنعة بفكرة ان يا اهي اللي بايقته .. او ان معاشها بينخصم لانها اهملته .. (N)
    سوري بس ترى مو مسؤوليتها تحفظ هالاشياء ! الايبود كبر كف الايد ممكن يكون طاح من ولدك الله يحفظه بأي مكان ,, و لا اي دااعووس و مو لاقينه !
    ان بعض الظن اثم … حرررراااام تظلمها و انت مو متأكد ..
    ايبود يرووح .. و يجي غيره ..
    بس ماله داعي تظلم احد .. او تتكدرون عليه ..
    كل شي يتعوض :o)

  • Qais كتب:

    والله لو بالف دينار..
    تسوى عليك تسوي شي بولدك بو سنتين عشان ١٠٠ دينار ؟
    ولا ترفع ايدها و تدعي عليكم ؟

    الايبود بداله الف اشتر واحد جديد بوكامرتين ب٨٠

    • Alblogy كتب:

      انا ماني خاصم من معاشها
      كان بلاساس ما نعطي الايبود لها لكي يلعب فيه حمودي مع الاسف وثقنا فيها وهي خيبت املنا بسرقته او بإهمالها
      قالولي ناس ترى الفلبن يحبون “الهاي تك” اي الاجهزة الذكيه الايفون الايبود ..

      بس انا كل فتره اقول لها (ها.. لقيتو الايبود دوريه يمكن طايح بالسياره.. يمكن ضايع بين القنفات)

  • Ambiguity كتب:

    الحمدلله انكم لقيتوه

    المهم من كل هذا لو تشتري حق الخدامه ايبود او اي شي ثاني لو شافت الايبود ان انتوا لقيتوه بتحقد حيل ويمكن اتسوي ابولدك ( عسى الله يحفظه ان شاء الله ويخليه لكم ) لان الخدم بهذا الزمن يخوفون للاسف الا من رحم ربي

  • caltony كتب:

    هذا ولا شي احنا مرة الخدامة طيرت كاسكو يسوى 400 دينار لانه كان يتكلم و يرقص ويركب على الايد ويفهم ولمن تعطيه الاكل يقولك مشكوور ولمن سئلناها ليش طيرتيه قالت بكل بساطه موقصدي كنت حاطته على ايدي ورحت بقط الزبالة بالشارع جان يطير

    بس طبعا ما خصمنه من معاشه

  • iBokhalid كتب:

    يعني الخدامة براءة ؟! يالله خلك شجاع و اعتذر منها

    • Alblogy كتب:

      انا ماني متأكد ان الخدامه برائه.. احس انهم مـا كانو يتوقعون ردت فعلي القويه على الايبود!

      حسو اني بنسى فقدانه .. لكن كنت اسأل بإستمرار! “وين الايبود.. دوري على الأسيبود..! شفتي الأيبود!.. حمودي يبي الأيبود!”

  • thaloup uae كتب:

    السلام عليكم والرحمة

    نصيحة مجرب

    لا تخصم ولا شي يمكن مب هي الي شالتنة + واذا نقصت يمكن تسوي فيكم شي للأنتقام

    كيف تتأكد انها هي الي شالتنة ولا لا

    حاولوا انكم تبعدوها عن غرفتها واقلبوها فوق تحت ودوروا على الابود

    عني انا سويت جي لما ضاع عنا طقم ذهب

    بكل بساطة فتشت غرفة الخادمة وحصلت الطقم في مكان سهل وبسيط في الشنطة السفر

    والسموحة على الاطالة

  • ابو علي كتب:

    ما اقول الا الله يصلحك بس
    ويعينها عليكم

اترك رد