اهلاً بكم في مدونتي الشخصية أنا أبوحمد أكتب في مدونتي مختلف الأشياء التي تلفت إنتباهي وقت ممتع اتمناه لكم 😁
Alblogy Instagram
الأرشيف
أخر التعليقات
  • تحميل...

أعاني من بطئ سرعة الانترنت

أجد صعوبه حقيقية في اضافة تدوينات جديده، فأنا أعاني من بطئ شديد بسرعة الانترنت ويذكرني هذا ببداياتي بعالم الإنترنت بمنتصف التسعينات من القرن الماضي، أيام الدايل أب وخطوط الاتصال المشغوله!.
ولكن هذه المره الانترنت عندي وهو e-GO اصبح ابطأ من دايل أب التسعينات!
وانا تسائلت ما سبب هذا التدهور في سرعه الانترنت المقدمه من قبل شركة الاتصالات زين؟ هل بسبب اشتراك اعداد كبيره من الناس للإستفاده من العرض الجديد المقدم من زين المسمى e-GO eeZee مما ادى الى الضغط على خدمه الانترنت في زين وثم نزول السرعه بهذا الشكل الدراماتيكي حتى اصبحت اتمنى الحصول على سرعه الدايل أب!.

أحد الاشخاص يعمل بالوطنية للإتصالات قد همس لي بسر وهو ان الوطنية للإتصالات قد ازالت بالسر الحد الاعلى المسموح للتنزيل download اي انه لا يوجد سقف اعلي لسرعه الانترنت لدى الشركة الوطنية!  بعكس ماهو موجود لدى زين وفيفا..
لا ادري صحه الكلام الذي قاله،  لكن هذا الشيء سيجعلني افكر بلإشتراك بخدمه الانترنت لدى الوطنيه.

التعليقات

comments

  • Frankom كتب:

    مابي أمدح الوطنية للاتصالات
    قبل كنت على الـ eGO من شركة زين وأقرا مقالاتي كلها مدح فيهم الا أن أتى يوم من الايام وشفت أنهم مو كفو فواتيري مو مضبوطة اسعارهم غالية والحين بعد مرور أشهر مع الوطنية شوف شنو لقيت

    1- عدد المرات اللي دقيت فيها على خدمو العملاء أقل من اصابع اليد الواحدة
    2- التغطية موجودة في اماكن ماكانت تتوفر به زين من قبل
    3- فاتورتي أصبحت نصف فاتورة زين
    4- الانترنت روعة وسريع ولا eGO ولابطيخ .. شابك على الموبايل ويعطيني سرعة 512 كيلو وبـ 12 دينار بالشهر

    أهم سبب اللي خلاني أحول من زين الى الوطنية كانت الاعلانات اللي شقتني شقتين برمضان الماضي ، أدق عليهم أقولهم الله يرضالي عليكم مابي اعلانات على التلفون يقولون اوكي دقيقة ولا توصلني اعلانات واعلانات أقولهم يرحم امكم مابي اعلانات اليوم اللي وراه توصلي 50 رسالة اعلانات ادق عليهم اقولهم آبوكم مابي اعلانات يطلعلي واحد يقولي اشتر برنامج وشيل مسجاتنا !!!! هذا رد ؟؟؟ شنو هالمسخرة ؟؟ وتصدق اني سمعت كلامه وشريت برنامج وبديت حملة الـ 9 راح تسألني شنو 9 ؟ اقولك

    اضافة كل الارقام اللي تبدي برقم 9 لان اغلب الاعلانات اللي كانت توصلني تبدي بـ 9

    ومشى معاي الموضوع آخر حلاوة الا أن أتصلت بأحد الاصدقاء اللي يشتغل في شركة زين وقالي مشكلتك كان لها حل بسيط انهم يرفعون خطك من استلام الرسائل المزعجة بس بسبب كون شركات الخرافي والرعايات الكبيرة من ضمنها اذاعة الكويت (كويت اف ام) كانت كل شركاته وشركات تابعة له راعية للبرنامج (وفعلا كل المسجات اللي كانت توصلني كانت عن هالبرنامج) فقالي ماكنا نقدر نشيل أي خط والموظف اللي يشيله يعاقب ويتم سؤاله ليش ؟؟

    شوف راحة العميل وين وشوف راحتهم وين

    خلك مع القطريين أرحم من الكويتيين
    🙂

    أتوقع هذا أطول تعليق في حياتي كلها

    لا تلومني … باطين جبدي

    تحياتي والسموحة

  • Alblogy كتب:

    لا بالعكس رايك عجبني وايد! :-$
    اليوم كنت بمجمع القيروان بحولي علشان اشتري راوتر لاسلكي للـE-go بس هونت! لأني قلت للبائع خلاص ما ابيك تبرمجه على الـEgo مالي! (W)
    لأن شكلي بروح الوطنيه! (F)

    • Frankom كتب:

      نصيحة وانت حر فيها

      خلك بعيد عن الايقو
      شوف الحل الامثل اللي أنا كنت مسويه من قبل والحين راح أسويه مرة ثانية

      انا عندي تلفونين والاثنين متوافقين مع الجيل الثالث يعني السرعة العالية بين 3.6 وبين 7.2 شكلي باخذلي خط داتا (او مسبق الدفع) واشبكه عليه بدال ماتشيل ثلاث أجهزة (موبايلين وأيغو) راح تشيل موبايلين فقط السوق فيه وايد أجهزة سرعتها عالية مثل نوكيا واريكسون وسامسونغ منها تستفيد من خط ثاني مو مثل الايغو اللي ماتقدر تستعمل الخط فيه ومنها السرعة عندك تكون مضبوطة أكثر

      عيب النوكيا انه مايشحن لما تشبكه مع اللابتوبات او الاجهزة على اليو اس بي (مو كلهم طبعا)

      يعني انا مع الايفون اشبك وأشحن في نفس الوقت وأستخدم الهاتف بعد والمسجات وكل شي في وقت واحد

      وطبعا القرار لك 🙂

      تحياتي

  • faDeLL كتب:

    لي تجربه فاشله مع الوطنيه

    الوطنيه اول ماشغلت الخدمه كانت آنلميتد
    بس بعدين غيروا الشروط ونزلوا السرعه عن المتجاوزين الحد وآنا من بينهم
    وكان عقدي لمدة سنه ومااقدر اكنسل الا اني ادفع باجي المبلغ اللي علي
    90 دينار مستحق مؤجل + 15 دينار لإلغاء الخط
    رحت لحماية المستهلك وخليتهم يترجوني اني ماارفع قضيه ويتكنسل الخط وينسحب من غير ماادفع ولافلس

  • أبوفلان كتب:

    شخصيا كنت مع زين الزباله عزكم الله

    التغطيه الله يديم النعمه تلوع الجبد

    الحين على فيفا الي ببدايتها كانت اوكي الداونلود بالبيت كان اذا طايح ٢٠٠ واذا عال العال ٤٠٠

    بس من حولت فيفا خدماتها من فاست تلكوم الى كواليتي صار التحميل مايتعدى ال ٨٠ والحين افكر بالتحويل الى الوطنيه اسمع الناس يمدحونها

    بس ناطر يقولون قبل نهاية هالعام راح يفتحون باب التحويل بين الشركات وان شاء الله أحول

    بس للأمانه سيرفس فيفا ممتاز وكل مكان فيه 3G أما زين يقطع معاك باليوم ١٠٠ مره

    الحين انا حاط كرت فيفا على الآيفون وماشي تمام

    🙂

    • Alblogy كتب:

      ابو فلان:
      اكيد الكلام انه قبل نهايةالعام راح يفتحون باب التحويل بين الشركات؟ :-/

      هل الغت زين غرامه الغاء خدمه الانترنت عندهم (غرامة الـ50دينار) ام ادفعها لكي احول للوطنيه!
      انا بحثت بموقعهم ولم اجد ذكر لغرامه الـ50 دينار يبدو انه تم وقفها.. :o)

      شركات الانترنت تقدم اقوى عروضها الترويجيه بفصل الصيف عندما يكون الكثير من الناس خارج البلاد هل ستقدم الوطنيه عرض مغري! 😛

  • ROro Mania كتب:

    انا اشتراكي النت وطنيه صارلي سنتين تقريبا
    مابي امدحهم وايد بس انترنتهم سريع و ممتاز و احسن من غيرهم بالانترنت المتنقل (Y)

    بس ساعات يخورونه
    و اللي قالك شالوا الحد يخوره 😀 انا هالايام منزلين سرعتي النت (على قولتهم سياسة الاستدام العادل)
    عادل طل بعينهم (N) 😀

    • Alblogy كتب:

      اكيد تنزل افلام من التورنت؟ لهذا السبب خفضو سرعه النت عندك؟ إنزين لي متى يضل منزلين سرعه النت عندك؟ متى يعفون عنك ويرفعونها.. بعد شهر يعني؟
      حتى زين عندهم نفس السياسة سياسة تنزيل سرعه النت لدى اصحاب اللود العالي
      بس زين قاعدة المشتركين عندهم كبيره حتى المصري الفقير بالدوام شفته مشترك بخدمه e-GO eeZee

  • Q8PING كتب:

    بالنسبه للأشتراكات

    انا واحد ملك الداونلود … فـ تعبت من زين .. الي تعطي لمت وقبل لا توصل للمت بالداونلود الا ويخفضوون السرعه عندك .. يخلون التصفح شحاذه

    اما بعد ما تحولت الي شركه فيفا .. حسيت بنفسي .. اولا الداونلود ان لمت

    ثانيا .. الاشتراك احس بسرعته صراحه .. ثالثا .. كان في عرض مادري لي الحين موجود

    اذا سويت عقد سنه بدال ما تدفع 28 تدفع 20 شهريا ..

    وعندي صوره مصوره الداونلود عندي 1200 ك ب بلثانيه بس مو دايما

    لان المتوسط للداونلود 500 الي 700 …

    لاكن صراحه فيه عيب الفيفا …. بعض الاماكن مافيها سيرفس

    هذا عيب شرعي .. بس بلنسبه لي ما يأثر .. لان هذي الاماكن ما اكون فيها متواجد بكثره

    وتحياتي

  • BookMark كتب:

    زين خدماتهم من سيء إلى أسوء
    صار المكسب المالي أهم شيء ولا أهمية للعملاء
    مستعجلة لاستبدالهم ولكن محتارة الوطنية أم فيفا

    • Alblogy كتب:

      VIVA في من يمدح انترنتهم بس في مشكله وحده وهو اذا اشتركت وتبي تكنسل الاشتراك قبل مرور سنه على اشتراكك فراح تدفع لهم غرامه 50 دينار!
      يعني صايرين مثل المنشار صاعد واكل نازل واكل! (U)

      هذا شرط انقله لكم من موقع VIVA:

      إذا المشترك أنهى العقد قبل نهاية مدة 12 شهراً، فأنه سيكون مسؤولا عن ذلك وسيسدد غرامة قدرها 50 دينار كويتي.

      اما بخصوص الوطنيه فـمـو حاطين غرامة الـ50 دينار بموقعهم
      لازم استفسر اكثر بخصوص الوطنيه ..

  • نهلا كتب:

    عن تجربه شخصيه … جربت زين … والحين فيفا …صراحه ماكو وجه مقارنه 🙁 فيفا ممتاز

  • احمد كتب:

    والله اخواني تبون الصراحة

    كل الشركات اكس X اكس

    اقسم بربي عندي الدايل أب وسرعة تكون سرعة ثابتة انا عندي الوطنية الحمدالله شغالة توب توب

    بس احب اقول كلمتي لشركة زين

    انها اكبر شركة بالنصب والاحتيال وسرقة العميل ويبون فلوس حتى لو بالحرام

    المهم يربحون وهذا مايرضى الله

    تخيلوا اني شريت ايقو اول يوم 100% ثاني يوم اتصل فيه يقولي انت تعديت لمت مالك قلت لها اللمت 5 قيقا قالي تعديته

    قلتله اوك ان شاء الله حماية المستهلك اخليها تتعدي المت مالك ولا اشكتي عليهم وربي وربي وربي انهم قالولي جم تبي مبلغ احنا نعطيك تبي 6000 الحين نعطيك بس لا ترفع قضية وماابي اذكر اسمه يلي يلي شوي ويبوس ريولي

    واتمنى من شركة زين انها تبطل نصب واحتيال وشكرأ

اترك رد