اهلاً بكم في مدونتي الشخصية أنا أبوحمد أكتب في مدونتي مختلف الأشياء التي تلفت إنتباهي وقت ممتع اتمناه لكم 😁
Alblogy Instagram
الأرشيف
أخر التعليقات
  • تحميل...

مع Pinkberry تمتع بروب محمض بنكهة السمك الزّفـِر

طابور إنتظار امام Pinkberry الافنيوز بعدسة ابوحمد

بعد تردد قررت اجرب Pinkberry نظراً لعدم وجود طابور إنتظار طويل بوقت العصر، ورغم ان احدى الفتيات حذرتنا من تجريبه وقولها ان Pinkberry طعمه بطعم “الروب المنتهي صلاحيته المحمض” لكن قررت اجربه وما أن وقفت امام الباترينه حتى وجدت انه لايحتوي على خيارات كثيرة بل حوالي 3 اختيارات وهو روب بطعم الرمان وبطعم الشاي الاخضر وروب عادي وان الناس تختار نكهة الروب الذي يتم اخراجه من ماكينه شبيهه بماكينه  البرّد (الايسكريم).

انا اخترت بطعم الشاي الاخضر حجم صغير وكان باهض الثمن بدينارين وشوي.. وطعمه سيئ الى ابعد الحدود بل مقرف كأنه روب حامض بالسمك الـزّفـِر النيء،  وذاقته زوجتي أيضاً وانقرفت منه وطعمه لاذع وتركناه لعامل التنظيف يمكن يأكل منه..
الواحد يقف محتار عن السبب اللي يجعل الناس تصف بطابور طويل على منتج ذو طعم سيء كأنه روب بالسمك؟ هل انعدمت لديهم حاسة الذوق؟..  لا Pinkberry بعد اليوم.

التعليقات

comments

  • Frankom كتب:

    جرّب اللي عند
    Napket

  • kaifan5 كتب:

    اسبب بكل بساطه …. هبه من هبات الكويتيين 🙁
    اي شي جديد من الشايع …. يعني كشخه

  • عنونيموس كتب:

    الواحد يقف محتار عن السبب اللي يجعل الناس تصف بطابور طويل على منتج ذو طعم سيء كأنه روب بالسمك؟ هل انعدمت لديهم حاسة الذوق؟

    هالسؤال اساله لنفسك كونك وقفت بالطابور مثلهم!

    • Alblogy كتب:

      هلا عنونيموس!
      أنا مـا وقفت بالطابور لأن ماكان هناك طابور اصلاً ! اقرأ كلامي فوق مره ثانيه
      الصورة هذي انا التقطتها قبل أشهر ..
      تحياتي (F)

  • أبوفلان كتب:

    يبا بالكويت اذا تبي تربح افتحلك شي غريب وارفع سعره وخل الصيدات يوقفون بالدور

    انا ما اقول مو جلو انا ماجربته صراحه

    بس يمكن اختيارك ماكان موفق يابوحمد

    • أضم صوتي لأخوي أبوفلان
      و يمكن حظك يا بو حمد طاح هاليوم و يت الحرة باللي طلبته

      و أنا أقول … لا بديل لروب المراعي بكل الفواكه
      خلنا بالضمون على الأقل لو حصلت شي مو مضبوط
      ضمانتهم على العلبة و المنتج بيدي و دايركت لحماية المستهلك 🙂

      على القوة يالغالي
      تحياتي

      • Alblogy كتب:

        انا لما شميت وذقت الزفره شكيت ان مكيتنهم اللي تطلع روب يمكن تكون معفنه من داخل لأن ما ينظفون الاجزاء الداخليه !

        زفرت روب بينكبيري ذكرني بأيام التجنيد لما كنت بالمعسكر شربت شويه ماي زفر وعورني بطني وتحملت الالم .. وربعي حاشهم تسمم واسهال .. ليش ..لأن طاح بالتانكي —> (@)

        • ههههههههههااااااااااااااااااي 😀

          قطو مرة واحدة !!!
          خلني ساكت بس يا بو حمد OOO
          لاني لو قلت لك عن الموقف اللي صار لي
          جان اخليك تكره تشرب القهوة نسكافيه من الماكينات بو 100 و 200 فلس :-[
          استررررررررررر ابرك OOO

          • Alblogy كتب:

            هههه 😀

            صج كلامك عن مكاين النسكافيه!

            كانت فيه مكينه قهوه نسكافيه موجوده بالفنار كنت احب اشرب منها قهوه؟ (C)
            بس حتى لو داخل المكينه بلاوي وعفن .. حرارة الماي تعقم القهوه 😛

  • Bo_hubash كتب:

    الناس أذواق
    وانا من وجهة نظري حلو واتمتع بطعمه وفي بعض الاوقات آخذه بدون فواكه طعمه لذييذ 😀

    • Alblogy كتب:

      يقصون عليكم طعمه حامض حيل وين الحلات اللي فيه؟ .. :-/

      روب حاطين عليه نكهه ولون صناعي ويبيعونه عليكم بمكينة بــرّد بسعر غالي؟ (D)

      (I) البديل الارخص ييب روب خلي ينتهي صلاحيته واكله. هذا بينكبيري

      • هورنت كتب:

        صادق يابوحمد 🙂

        وشرهتك على الي جربه ولا يبي يجربه !!

        شفيه برد لولو ؟ متوفر بكل مكان ولذيذ هاهاي

        عز الله ان الكويت هبة و على قولة الجيل الجديد الكول ( موصج ) الي قاعد يصير بالديرة

        • Alblogy كتب:

          لولو وبرد الصابونه وذهب 😛

          اعتقد اللي يروح لبينكبيري هم اللي فيهم سكر .. ياكلون حامض ولا ياكلون شيره 😛

  • أنا كويتي وعزومي قويه كتب:

    فعلا روب محمض وآنا وصديقاتي خليناه على الطاوله…..

    مادري ليش !!!!!! لأن بلندن ياكلونه ومتعلمين على لحموضه ….

    ربي يزيد النعمه ….

    والمضحك الشايب والعجوز والسايق والخدامه واليهال كلهم قاضبين دور على لحموضه ….

    أنا بشتري روب وخليه يحمض وبزيد عليه نكهات وبفتح كشك بالأفنيو وببيع…..

    وأي شي محمض عندكم ومنتهيه صلاحيته لاتقطونه ييبو الكشك نترزق الله فيه …

  • le Koweit كتب:

    والله العظيم ناس هبّة
    يدورون اي شي يهبون فيه!

    • Alblogy كتب:

      يريت لو يهبون على شيء يسوى؟ :-/

      يهبون على زفره وحموضه؟ :-(|)

      وهاقن داز بالجهه الثانيه ما عنده احد !! (C)

  • welli كتب:

    يا أخي الناس أذواق .. مثل ما في ناس يستمتعون بالحلى أو الملوحة في بشر يفضلون الاكل حاااامض 🙂 بنك بيري رائع جدا جدا .. لكني ممتنع عن الشراء منه لسببين .. الاول الطابور الطويل و نوعية الناس اللي صافين فيه .. الثاني سعره المبالغ فيه !!

    • Alblogy كتب:

      الطابور راح يختفي لأن في فرع عند إيكيا راح يفتح وراح يخفف الضغط على عشاق الحموضه .. (W)

  • samuraii_jack كتب:

    اول شي مشكور على الموضوع
    وثاني شي انا يمكن اتوافق مع بعض الاراء بالنسبة لهبات الكويتين
    بس اختلف معاك بالنسبة للزفر اتوقع هذا ذوقك يالحبيب بس بالنسبة لي انا ادري هبات الكويتين بس الصراحة الي بطعم الرمان حلو
    وارجع واتفق وياك بالنسبة للسعر قد يكون غالي نوعا ما مقارنتا بمحلات الايس كريم مثل هاغن داز و باسكن روبنز
    بس ارجع واقول لولا تعدد الاذواق لبارت السلع
    وارجو انك تتقبل تعليقي وتعتبرة راي شخصي لا اكثر

  • والله طابووووووووووووووور عشان روب

    خو اشترو من الجمعية و ثلجوا و حطوا فوقه فواكه معلبه و خلاص انتهت السالفة

    بخصوص الزفرة (( دمي ضرسي الزفر )) لا يحوشك

    همسة: شرايك نفتح محل حليب مثلج و فوقه كورن فليكس!؟!؟
    اذا عجبك المشروع رد علي

  • إسماعيل كتب:

    أظن أن الناس انعدمت عندهم حاسة الذوق ..
    تحياتي .. 🙂

  • Sn3a كتب:

    انت لو مجرب كل نوع قبل لا تشتري احسن
    اما النوع الوحيد القابل للاكل ببنك بيري اهو الرمان
    جرب نابكت تلقاه يم سواح
    C:-) و هم قبل لا تطلب خليعطونك تستر شي لذييييذ

    • Alblogy كتب:

      لو مجرب قبل كان احسن..

      بس انا لاحظت انا اكثر الناس تاخذ البينكبيري الاحمر عرفت بعدين انه رمان ومايخذون الاخضر اللي هو الشاي الاخضر الزفر اللي جربته. (D)

      بجرب Napket بس هذا روب محمض مثل طقة البينكبيري ولا لأ؟ اللي سمعته ان يسوي ريوق وبيض. (^)

  • Q8LOL كتب:

    ايييه .. كأنك تقرا اللي بخاطري 🙂 من ايام وانا افكر اكتب عن هالموضوع بس ما صادفت ورحت عشان اصور الطابور اليومي تقول ناطرين الخباز ! …

    جربته مره وحده لأنه شايف الطابور وايد .. فمريت يوم ثاني ما لقيت احد انا والشباب فقلت اجربه .. الشباب قعدو يضحكون علي يقولون انه راح اقرر قرار اسطوري ! …
    وطلبت ذاك الطلب الحلو اللي كلفني فوق الدينارين على قلاص صغير .. واخر شي طلع روب لايعه جبده من نفسه ! خخخخخخخخخخخخخخ من اول لقمه لاعت جبدي .. وقررت اني ما اكله لو دافع عليه مليون دينار ! .. وكان هاذا القرار الاسطوري 🙂 … الله يسامحهم هالناس مادري ليش مسوين زحمه على الفاضي .. يخلونك تحس انه مافي احلى من هالمنتج .. ولما تجربه يطلع خرطي وما منه فايده ! .. اقول شحلات برد صاروخ 🙂

اترك رد